消息及報導

媽媽界傳聞話母乳媽媽喺大約生產後3－6個月會開始回復月經，到時唔止奶量減少，啲母乳仲會慢慢無晒營養？

其實媽媽們感覺奶量減少，係因為月經前賀爾蒙嘅波動會影響血液入面嘅鈣濃度，導致經期頭幾日嘅奶量較少，不過媽媽們可以放心，等月經後賀爾蒙分泌回復平衡，奶水量又會恢復正常㗎啦。產後月經可能會減少母乳分泌，但係母乳嘅營養就唔會因為月經而變差。相反，喺月經期間嘅母乳會比平時濃縮，脂肪會減少而蛋白質會增加，依然可以為BB提供足夠營養，例如保護BB健康嘅免疫因子。媽媽喺月經期間可以飲多啲湯水增加母乳分泌，確保奶量足夠，避免母乳過於濃縮！

紫金堂嘅上奶湯底可以為母乳媽媽提供最充足嘅營養，幫助媽媽進行產後哺乳，協助乳汁分泌。有足夠嘅母乳嘅話，就唔使驚母乳過於濃縮影響口感令BB唔肯飲奶啦～其實產後月經恢復係一個好正常嘅生理現象，媽媽唔需要擔心月經會對母乳造成影響，如果情況許可，有啲媽媽可以一直餵母乳直至BB一至兩歲㗎！