消息及報導

     「世界7大奇蹟」大家就聽得多啦～唔講唔知，原來母乳入面都有「7大營養素」㗎！以下就等紫金堂一一介紹，等大家了解多啲母乳嘅好處，作為畀母乳媽媽堅持母乳之路嘅動力啦！

      蛋白質   母乳中含有唔同種類嘅蛋白質，包括酪蛋白、乳清蛋白、乳鐵蛋白等。呢啲蛋白質成分比較容易令BB吸收，仲可以防止細菌同病毒感染，對增強BB免疫力同抵抗力好重要㗎～

      免疫強化劑   免疫強化劑有豐富嘅白血球、免疫球蛋白同保護因子，除咗可以保護BB同預防疾病之外，仲可以增強BB免疫力，促進免疫系統成熟，令BB冇咁容易病。

      DHA & ARA   母乳中含有較高濃度的DHA和ARA，可以支持腦部神經訊號快速傳遞，增強BB嘅認知能力同行為發展，對寶寶腦部發育好有益！

      脂肪   母乳入面嘅脂肪屬於不飽和脂肪酸，唔單止可以令BB容易啲吸收，仲可以提供BB所需嘅熱量，促進佢哋腦力、視力和中樞神經嘅發育。

      醣類   醣類主要包括乳糖同寡糖，乳糖可以提供熱量，仲可以改善BB鈣質與鐵質吸收的功能；寡糖可以幫助腸道益生菌嘅繁殖，例如乳酸菌等，抑制壞菌的生長。

      活性物質   母奶營養成份中含有好多荷爾蒙活性物質，表皮生長因子可以幫到BB嘅器官發育；而脂肪酶可以促進腸道消化，幫助BB消化吸收。

      礦物質   母乳中含有適量嘅鈣同磷，可促進BB鈣質嘅吸收，幫助佢哋骨骼同牙齒嘅成長，仲可以提供足夠嘅熱量，幫助腦部發育㖭！

      母乳真係有好多豐富營養呀！除咗以上七大營養素之外，母乳成分會隨著BB嘅妊娠週數，媽媽飲食等嘅因素而改變，可以回應BB唔同階段嘅需求。所以母乳媽媽們要堅持餵哺母乳，補充BB營養之餘又可以享受同BB之間嘅親密時間 要保持源源不絕嘅奶量嚟支持妳嘅母乳之路，紫金堂上奶湯底係妳最強大嘅後盾！