你有 你的購物車
小計:
07
Aug
媽媽究竟揀咩好？
順產嘅級痛相信各位媽媽都有所耳聞，但係好多人都話順產對BB好，對媽媽產後康復都好；亦有人話剖腹產可以預計時間，唔需要承受十級痛，以下我哋會一一解構，順產同剖腹產嘅分別。
1) 術後康復 順產係最自然嘅生產方式，BB由產道出生，雖然媽媽喺生產前需要經歷長時間嘅陣痛，但媽媽們唔需要開刀做手術，所以順產媽媽術後嘅康復會比較快，有啲媽媽生產完就可以落地食飯；相反，剖腹產因為麻醉效用唔需要經歷陣痛，但喺麻醉過後，媽媽們就要忍受開刀傷口嘅痛苦，因為經歷咗開刀，剖腹產媽媽術後需時較耐，唔單止唔可以即刻食固體食物，亦會比順產媽媽遲啲出院。
2) 手術風險 始終順產唔需要開刀做手術，傷口比較細，風險相對嚟講會比剖腹產低，但係兩種生產方法都需要面對產後併發症係風險。剖腹產會帶嚟傷口，有機會導致傷口感染發炎；另外，子宮做開刀手術有機會傷及附近器官，例如膀胱同輸尿管等；順產嘅傷口較接近肛門尿道，清潔困難同樣有機會導致傷口感染；順產過程可能會令盆肛肌肉受損，引致子宮下垂等問題。
3) 順產vs剖腹 其實對BB嚟講，只要BB本身健康，無論係順產定剖腹產嘅BB都可以健康成長。但一般而言，順產後康復快，亦係最自然既生產方法。但有啲特殊情況之下，剖腹產會比順產更適合。胎位不正、胎盤前置或者BB過大等嘅情況之下，媽媽都唔適合順產，醫生都會建議媽媽用剖腹產嘅方式生BB。所以媽媽最重要嘅都係同自己嘅醫生好好溝通，等醫生為妳哋作出分析，揀出對媽媽同BB雙方都好嘅方案。 無論是順產定剖腹產，媽媽都經歷咗極大嘅風險，所以生完BB之後，月子期間嘅修復對媽媽嚟講就好重要啦‼️
