你有 你的購物車
小計:
相信有唔少孕媽媽都計劃令BB順產出世,但同時都擔心自然分娩時會遇到好多困難,例如會有強烈嘅陣痛。但其實有好多簡單嘅運動係有助孕婦順產,只要每日抽啲時間出嚟,就可以訓練分娩所需嘅肌肉,快啲mark低有啲咩運動啦!
1) 深蹲
做深蹲嘅時候,孕媽媽可以先將雙手扶喺椅背,雙腿向外張開;然後慢慢往下蹲,深呼吸後再緩慢站起。過程中要留意膝蓋不可超過腳尖,重心亦唔可以放喺腳尖上。嚟個運動可以幫助訓練盤骨肌肉以及鍛鍊腰腹力量。
2) 弓箭步
除咗深蹲之外,孕媽媽亦都可以做弓箭步去訓練臀部及腿部肌肉。所謂弓箭步就係踏前一步,然後往下蹲。注意小腿同大腿間要呈90度角,同埋要挺直腰背。各位準媽媽可考慮將後腿置於椅子上,以椅子作為扶助。
3) 蝴蝶式坐姿
蝴蝶式坐姿其實係瑜珈嘅一種,適合各位準媽媽係懷孕期間訓練寬關節以及加強大腿內側肌力。孕媽媽可以先預備一張瑜珈墊,坐低之後彎曲雙腿,再將腳掌合攏,用雙手捉住雙腳。隨後緩慢地上下擺動雙腿,好似蝴蝶拍翼般。
每個人係懷孕期間嘅身體狀況各有不同,所以孕媽媽係做運動之前,最好就先諮詢醫生嘅意見啦!而且喺做運動期間,如果覺得唔舒服嘅話就要立即停止,以免傷及BB!