消息及報導

1) 小吃多餐
媽媽如果冇胃口食太多嘅話，可以用少食多餐嘅方法，避免一次食太多而導致自己作嘔。將食物分開幾次食，可以確保自己吸取足夠營養之餘唔會令自己太辛苦。

2) 戶外活動
懷孕其實會令腸道蠕動變慢，所以媽媽情況許可嘅話，可以喺食完飯後出去散吓步，促進腸胃蠕動，增加消化。

3) 生薑療法
薑味可以幫助減少害喜現象，媽媽們可以直接食餸菜中嘅薑絲，唔鍾意直接食薑嘅媽媽，都可以煲紅糖薑茶或者薑湯㗎！

4) 流質固體食物分開食
因為懷孕嘅時候好容易出現脹氣，為咗避免胃脹同嘔吐，媽媽們可以嘗試分開食流質同固體嘅食物！

5) 避免熱食
熱食因為有較強烈嘅氣味，有機會媽媽們食咗之後會好容易嘔吐！選擇食清淡嘅食物或者冷食就可能會比較舒服啦！

6) 放鬆心情
有部分媽媽會因為擔心BB營養而導致自己害喜現象加劇，媽媽最重要都係放鬆心情，多啲休息。營養方面，有紫金堂嘅「極品紅棗茶」，幫妳安神同埋養胎！

其實害喜係懷孕初期嘅普遍現象，媽媽們唔需要太過擔心，不過如果媽媽嘅害喜現象太嚴重嘅話，就記住要睇醫生啦！