你有 你的購物車
小計:
30
Jun
好多媽媽生完BB，坐完月之後，下一步就係做運動修身啦！但唔知媽媽們有冇試過或者聽過，運動完BB會唔肯飲奶？原因竟然係……運動後母乳會變酸?!
其實產後運動的確會令母乳變酸，不過就僅限於「劇烈運動」啦～當媽媽嘅運動量達到一定標準，就可能會導致母乳中嘅乳酸暫時性累積，令到母乳變味
喺呢個情況之下，媽媽們可以選擇喺運動前餵好奶，唔使驚母乳變味之餘又可以防止漲奶導致自己運動得唔舒服。如果時間唔許可，要喺運動之後先餵、但又驚母乳變酸，可以喺運動完半個鐘之後再餵。因為母乳嘅乳酸濃度其實只會喺運動後十分鐘增加到最高，半個鐘後就會恢復到運動前嘅水平，所以媽媽可以趁呢段時間抖一抖、沖沖身再去餵BB。
其實坊間有好多傳言，話媽媽們喺餵奶期間唔可以運動，不過其實對媽媽嚟講，產後適量咁做運動，對媽媽嘅身心健康都好有幫助㗎，所以媽媽們可以因應自己身體狀況選擇合適嘅運動！
